1920 ऐतिहासिक माणगाव परिषद राजर्षी शाहू महाराज आणि डॉ. बाबासाहेब आंबेडकर

 नागनाथ आण्णां निडवदे यांची उणीव कायम भासत राहील--- जिल्हा परिषद अध्यक्ष राहुल केंद्रे

उदगीर नगर परिषदेमध्ये भाजपा नेते नागनाथ आण्णा निडवदे यांना श्रद्धांजली अर्पण

उदगीर प्रतिनिधी --

 भारतीय जनता पार्टीचे प्रदेश चिटणीस मा. नागनाथअण्णा निडवदे यांचे दिनांक 16 मार्च रोजी अल्पशा आजाराने दुःखद निधन झाले. उदगीर भारतीय जनता पार्टीच्या वतीने नगर परिषदेमध्ये मा. नागनाथअण्णा निडवदे यांना श्रद्धांजली अर्पण करण्यात आली. जिल्हा परिषदेचे अध्यक्ष राहुल केंद्रे यांच्या हस्ते त्यांच्या प्रतिमेस पुष्पहार अर्पण करून विनम्र अभिवादन करण्यात आले. याप्रसंगी पुढे बोलताना जिल्हापरिषदेचे अध्यक्ष राहुल केंद्रे म्हणाले की, कार्यकर्त्यांवर आतोनात प्रेम करणारे नेतृत्व म्हणून आम्ही नागनाथअण्णा निडवदे यांच्याकडे हमेशा पाहत होतो, आदरणीय अण्णांची उणीव आम्हाला  कायम भासत राहील.

 भाजपचे ज्येष्ठ नेते धर्मपाल दादा नादरगे, उत्तराताई कलबुर्गे, जिल्हा परिषदेचे माजी उपाध्यक्ष रामचंद्र तिरुके,उदगीरचे नगराध्यक्ष बस्वराज बागबंदे आणि जिल्हा परिषद अध्यक्ष राहुल केंद्रे यांनी  आण्णांच्या आठवणींना उजाळा दिला. सर्वांनी दोन मिनिटे उभे राहून आण्णांना  श्रद्धांजली अर्पण केली.

यावेळी लातूर जिल्हा परिषदेचे अध्यक्ष राहुल केंद्रे, माजी उपाध्यक्ष रामचंद्र तिरुके, उदगीरचे नगराध्यक्ष बस्वराज बागबंदे,भाजप नेते धर्मपाल नादरगे, उपनगराध्यक्ष सुधीरभाऊ भोसले,  उदगीर भाजपा शहराध्यक्ष उदय सिंग ठाकूर,प्रदेश कार्यकारिणी सदस्य उत्तराताई  कलबुगे,जिल्हा सरचिटणीस श्यामला कारामुगे, जिल्हा उपाध्यक्ष दिलीप मजगे, नगरसेवक गणेश गायकवाड,शहर सरचिटणीस पप्पू गायकवाड, शहर सरचिटणीस नागेश आष्टुरे ,आनंद बुंदे, सभापती मनोज पुदाले,नगरसेवक ऍड दत्ता पाटील,रामेश्वर पवार,शेरीकर,वसंत शिरसे,लाखन कांबळे, बाळासाहेब पाटोदे,संजय शाहीर,भोसले सर,इरशाद शेख,अमित धुमाळ इत्यादी उपस्थित होते